“ზოგჯერ ისე კარგ რაღაცას იტყვის ეს სალომე, რომ მიუხედავად სკეპტიკური დამოკიდებულებისა, ტაშის დაკვრა მინდება…” – ფეისბუქის პირად გვერდზე გამოქვეყნებულ სტატუსში ამბობს გია ხუხაშვილი იმასთან დაკავშირებით, რომ პრეზიდენტმა სალომე ზურაბიშვილმა მერიის მიერ ორბელიანის მოედანზე ორგანიზებულ “საახალწლო სოფელს” რომ “რუსული სოფელი” უწოდა და თბილისის მერიისთვის კონკრეტული განმარტებები გააკეთა:
“მერიას გაუკვირდა, რატომ უწოდა “რუსული სოფელი” მათ მიერ გახსნილ ბაზრობას სალომე ზურაბიშვილმა.
იმიტომ უწოდა ბატონებო, რომ ერთხელ რომ გაიაროთ ამ სოფელში, ან აქვე, თბილისის გულში შეიხედოთ რესტორანში, მარკეტში, ბანკში, საბავშვო ცენტრში, თუ პარკში, თქვენი ბრიყვული პოლიტიკის გამო ყველგან რუსული სოფელი დაგხვდებათ. ჩვენი შვილების და შვილიშვილების ადგილი აღარ დატოვეს არსად ”უფროსმა ძმებმა”.
მთელი ქალაქი რუსი დეზერტირების ბაზრად აქციეთ…“, – წერს ფეისბუქის პირად გვერდზე გია ხუხაშვილი.
