ჰააგის სასამართლოს პროკურორის მიერ მიღებული გადაწყვეტილების გამოქვეყნება, სადაც საუბარი იყო მხოლოდ სეპარატისტული ცხინვალისა და რუსეთის მხარის ბრალეულობაზე, ფართო განხილვის საგანი გახდა საზოგადოებაში. ერთიან პლატფორმაზე მყოფმა სამმა პარტიამ (“სტრატეგია აღმასენებელი”, “დროა”, “გირჩი – მეტი თავისუფლება”) აღნიშნულ საკითხთან დაკავშირებით შეხვედრა გამართა საერთაშორისო სამართლისა და სამხედრო საკითხების ექსპერტებთან, ასევე დევნილთა ორგანიზაციის წარმომადგენლებთან. შეხვედრა შეაფასა და კონკრეტულ საკითხებზე გაამახვილა ყურადღება ოპოზიციონერმა ლიდერმა, სტრატეგია აღმაშენებლის თავმჯდომარე, გიორგი ვაშაძემ:
“დღეს ძალიან მნიშვნელოვანი შეხვედრა გვქონდა საერთაშორისო სამართლისა და სამხედრო საკითხების ექსპერტებთან, ასევე დევნილთა ორგანიზაციის წარმომადგენლებთან.
განვიხილეთ რამდენიმე საკითხი, მათ შორის ის, თუ რატომ არ წაუყენეს ბრალი რუსულ მხარეს, რომ ეს ყოფილიყო მეტი მტკიცებულება ჰააგაში, თუ ისინი არ ემსახურებიან რუსულ ინტერესებს?! ეს იყო საქართველოს პროკურატურის ვალდებულება.
და, რაც ყველაზე მთავარია, რაზეც პარალელურად ვმსჯელობთ – ეს არის რეპარაცია.
მილიარდობით ზიანი, რომელიც მიიღეს ქართველებმა, რომლებიც გამოყარეს ოჯახებიდან, როგორც 2008 წელს, ისე 90-იან წლებში. ძალიან მნიშვნელოვანია, რომ მოხდეს მათი ზიანის ანაზღაურება“, – განაცხადა გიორგი ვაშაძემ.
