სახალხო დამცველის ასარჩევად კენჭისყრა კვირის ბოლომდე გაიმართება, მაგრამ შეთანხმება ხელისუფლების წარმომადგენლებსა და ოპოზიციურ სპექტრს შორის ამ დრომდე ვერ შედგა. აღნიშნულ საკითხზე პოზიციას აფიქსირებს პარლამენტის ადამიანის უფლებათა და სამოქალაქო ინტეგრაციის კომიტეტის თავმჯდომარე მიხეილ სარჯველაძე:
,,ჩვენ ვთქვით, რომ 7 კანდიდატურა წარმოადგინეთ. ამ შემთხვევაში მზად ვართ, რომ იქიდან შევარჩიოთ ერთი.
ოპოზიცია ადგა, მძევალი გახდა საკუთარი განცხადების თუ, არ ვიცი, პოზიციის, რომელიც თავიდანვე ულტიმატუმის სახით შეიმუშავეს. ბოლომდე ამ პირობას ფეხს არ უცვლიან, როგორც იტყვიან.
უნდათ, რომ ხელისუფლება მოაქციონ ისეთ მდგომარეობაში, როდესაც მას არჩევანის შესაძლებლობას არ დაუტოვებენ.
ჩვენი ამოცანა უნდა იყოს არა ოპოზიციისგან მართული ადამიანის არჩევა სახალხო დამცველის თანამდებობაზე, არამედ დამოუკიდებელი კანდიდატის არჩევა”, – განაცხადა მიხეილ სარჯველაძემ.
ავტორი
ნინი ხიჯაკაძე
