“შარშანდელის მსგავსად ხელისუფლებას მოუწევს მიხეილ სააკაშვილის სამკურნალოდ განთავისუფლება” – გიგი უგულავა

დღეს საქართველოს მე-3 პრეზიდენტის მორიგი პროცესი საქალაქო სასამართლოშია ჩანიშნული. ოპოზიციის სამომავლო ქმედებები კი დამოკიდებულია სასამართლოს გადაწყვეტილებაზე. აღნიშნულ საკითხზე კომენტარს აკეთებს ოპოზიციონერი ლიდერი გიგი უგულავა:

,,შარშანდელის მსგავსად ხელისუფლებას მოუწევს, საბოლოო ჯამში, მიხეილ სააკაშვილის სამკურნალოდ განთავისუფლება. როგორც შარშან მოუწიათ გორის კლინიკაში გადაყვანა, მაშინაც ესე ილანძღებოდნენ, კალორიებს ითვლიდნენ, მერე ბოლოს პანიკაში ჩავარდნენ და მოუწიათ გადაყვანა.

საბოლოო ჯამში, ეს პროცესი სასამართლოთი უნდა მოხდეს, იურიდიულად. ეს ინსტანცია იქნება თუ შემდეგი, მოუწევს ამის გაკეთება.

უბრალოდ უნდა გვესმოდეს, რომ თითოეულ დღეს აქვს მნიშვნელობა, როდესაც ადამიანის ჯანმრთელობაზე ვსაუბრობთ“, – განაცხადა გიგი უგულავა.

ავტორი
ნინი ხიჯაკაძე