“თავს ესხმით ევროკავშირის წევრ ქვეყანას და არ ფიქრობთ იმაზე, რომ ევროკავშირის წევრი ქვეყნების გადაწყვეტილებაზეა დამოკიდებული კანდიდატის სტატუსის მონიჭება” – მამუკა მდინარაძე ოპოზიციას

ევროკომისიამ უნგრეთს 13 მილიარდის ოდენობის თანხა გაუყინა. ფაქტს ოპოზიციის მხრიდან ერთგვარი მინიშნებები მოჰყვა “ქართულ ოცნებასთან” მიმართებაში. აღნიშნულ საკითხზე ჟურნალისტებთან კომენტარი გააკეთა ფრაქცია ,,ქართული ოცნების” თავმჯდომარემ მამუკა მდინარაძემ:

,,ჩვენ ნუ შევალთ ახლა ევროკავშირის და უნგრეთის ურთიერთობებში. ერთმანეთთან რა კრიტიკული მოსაზრებები აქვთ, რა ურთიერთობები აქვთ – ეს ჩვენი საქმე არ არის. თვითონ გაარკვევენ, მოუვლიან ამ ყველაფერს.

მეორე – ჩვენ კანდიდატის სტატუსის მოლოდინში ვართ და თავი დავანებოთ ამ ქვეყნების კრიტიკას.

თქვენ იმაზე გვამუნათებთ ხოლმე – კუბილიუსს რომ გავაკრიტიკებთ, საქართველოს თავს რომ დაესხმება და მავნებლურ ნარატივს რომ შეუერთდება.

თავს ესხმით ევროკავშირის წევრ ქვეყანას და საერთოდ არ ფიქრობთ იმაზე, რომ ევროკავშირის წევრი ქვეყნების გადაწყვეტილებაზეა დამოკიდებული ამ ქვეყნის პერსპექტივის შემდეგ, კანდიდატის სტატუსის მონიჭება”, – განაცხადა მამუკა მდინარაძემ.

ავტორი
ნინი ხიჯაკაძე