სასამართლო დავა თბილისის მერს კახა კალაძესა და “ტვ პირველის” ჟურნალისტ მაია მამულაშვილს შორის მოსარჩლე მხარის სასარგებლოდ გადაწყდა. გაჩნდა მოსაზრება, რომ თუ მოპასუხე მხარე ვერ/არ გადაიხდის დაკისრებულ თანხას, შეიძლება ტექნიკის სახით მოხდეს ვალდებულების აღსრულება. ამასთან დაკავშირებით, სოციალურ ქსელში, თავის პოზიციას აფიქსირებს ტელეკომპანია “ტვ პირველის” საინფორმაციო სამსახურის ხელმძღვანელი, ნოდარ მელაძე:
“იმის გამო, რომ კახი კალაძეს მაია მამულაშვილის დასმული კითხვა არ მოეწონა, სასამართლომ “ტვ პირველს” და მაია მამულაშვილს 15 ათასი ლარის გადახდა დააკისრა.
“ტვ პირველი” ამ თანხას ვერ გადაიხდის, რადგან ანგარიშებს ადევს ინკასო. შესაბამისად შემდეგი ნაბიჯი იქნება – კალაძე აღსრულებას მიმართავს, რომ ტელევიზიიდან კამერები წაიღოს, ან მაია მამულაშვილის სახლიდან ამ თანხის ოდენობის ნივთები – სამეული მაცივარი და ან ტელევიზორი.
ველოდებით აღსრულების სამსახურს, მერის მიმართვის საფუძველზე როგორ შემოდის ტელევიზიაში, ნივთების წასაღებად.
p.s კახა კალაძე, ჩემს კომპიუტერს ვერ წაიღებთ, ტელევიზიის არაა ჩემია და სადაც ვმუშაობ ყველგან თან დამაქვს.
საქართველო 2022 წლის 30 ნოემბერი,” – წერს ფეისბუქის პირად გვერდზე ნოდარ მელაძე.
