დედაქალაქის მერია განცხადებას ავრცელებს და თბილისის ანძის კონკრეტულ ფერებში განათებასთან დაკავშირებით განმარტებებს აკეთებს:
“გვინდა, გამოვეხმაუროთ სოციალურ ქსელ „ფეისბუქში“ „თბილისი პრაიდის“ მიერ გავრცელებულ ინფორმაციას, თითქოს თბილისის ანძა დღეს ცისარტყელას ფერებში აინთო. აღნიშნული ინფორმაცია არის სრული სიცრუე და არ შეესაბამება სინამდვილეს.
როგორც მოგეხსენებათ, ევროკავშირის პროექტი – „მერების შეთანხმება – აღმოსავლეთ პარტნიორობა“ 10 წლისთავს აღნიშნავს. სწორედ საიუბილეო ღონისძიებების ფარგლებში, თბილისის ანძა განათდა პროექტის ლოგოს ფერებში (ყვითელი, სალათისფერი, მწვანე, ცისფერი, ლურჯი),” – ნათქვამია განცხადებაში.
ინფორმაციას თბილისის მერიის პრესსამსახური ავრცელებს
კომენტარები - დატოვეთ თქვენი მოსაზრება