ევროპარლამენტარებმა ევროკავშირის გაფართოების ახალი სტრატეგია შეიმუშავა. ევროპულ გზავნილში ზუსტად არის ასახული, თუ რა უნდა გააკეთოს ქვეყნამ კანდიდატის სტატუსის მისანიჭებლად. აღნიშნულ საკითხზე ოპოზიციის მიმართ კრიტიკულ კომენტარს აკეთებს პარლამენტის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველი მოადგილე ალუდა ღუდუშაური:
,,გამოვიჩინეთ ის მაღალი პოლიტიკური პასუხისმგებლობა, რაც გვაქვს და ამიტომ მეორე დღიდან შევუდექით ამ პუნქტების შესრულებას, რასაც ვერ ვიტყვით იმ რადიკალ და უპასუხისმგებლო ოპოზიციაზე, რომლებმაც თითი თითზე არ დაადეს და არაფერი არ გააკეთეს იმისთვის, რომ ქვეყანამ ეს კანდიდატის სტატუსი მიიღოს.
მე მჯერა, რომ ამჯერად მაინც იქნება სამართლიანად დანახული ის ძალისხმევა და სულისკვეთება, რაც ჩვენ, ,,ქართულ ოცნებას“ ქართველ ხალხთან ერთად გვაქვს და რა თქმა უნდა, სამართლიანი გადაწყვეტილების შედეგად, ქვეყანა მიიღებს კანდიდატის სტატუსს“, – განაცხადა ალუდა ღუდუშაურმა.
ავტორი
ნინი ხიჯაკაძე
