“ვერ ხდება ყველა სახის დიაგნოზის დასმა ჩვენს ქვეყანაში და ყველანაირი რეაბილიტაცია, მკურნალობა აქ ვერ ხერხდება” – მეუფე ნიკოლოზი მიხეილ სააკაშვილის ჯანმრთელობის მდგომარეობაზე

ახალქალაქის, კუმურდოსა და კარის მიტროპოლიტმა მეუფე ნიკოლოზმა (ფაჩუაშვილი) საქართველოს მე-3 პრეზიდენტი კლინიკა ,,ვივამედში“ მოინახულა. შეხვედრის შემდეგ ჟურნალისტებთან გაკეთებულ კომენტარში მეუფე აღნიშნავს, რომ მიხეილ სააკაშვილის ჯანმრთელობა უფრო და უფრო უარესდება:

“მისი ჯანმრთელობა მუდმივად გაუარესების მდგომარეობაშია. ყოველ მისვლაზე უფრო გამხდარი მხვდება, უფრო დაუძლურებული, ბოლოს უკვე ლოგინში იწვა. ადრე ასე არ იყო.

მე ვფიქრობ და ამაში არაფერია დასაძრახი, რომ ჩვენი ქვეყანა არაა საკმარისად განვითარებული, შესაბამისად სამედიცინო სამსახური არაა ისე განვითარებული, როგორც სხვა განვითარებულ ქვეყნებში – ვერ ხდება ყველა სახის დიაგნოზის დასმა ჩვენს ქვეყანაში და ყველანაირი რეაბილიტაცია, მკურნალობა აქ ვერ ხერხდება,” – აცხადებს მეუფე ნიკოლოზი.