“თუ აქამდე მხოლოდ რუსი პროფესიონალი სამხედროები იხოცებოდნენ, ახლა მობილიზებულებიც დიდი რაოდენობით მიისწრაფიან კობზონის კონცერტზე” – ზურაბ ბატიაშვილი

242
სააგენტო "პარალელი"

რონდელის ფონდის მკვლევარი, აღმოსავლეთმცოდნე, ისტორიის მეცნიერებათა დოქტორი ზურაბ ბატიაშვილი უკრაინაში ომის პერიოდში დაღუპული რუსი სამხედროების რაოდენობიდან გამომდინარე კონკრეტულ დასკვნებს აკეთებს:

რატომაა მნიშვნელოვანი უკრაინელების მიერ გამოცხადებული 85 000 რუსი სამხედროს განადგურების ინფორმაცია?

ვთქვათ, ეს გაზრდილი ციფრია და ავიღოთ უფრო მცირე ციფრი – 75 000. ეს უნდა გავამრვალოთ სამზე (დაჭრილების დაახლოებითი რაოდენობა) და შევკრიბოთ: 225 000 + 75 000 = 300 000. ანუ 300 000 რუსი სამხედრო გამოეთიშა ამ ომს.

თუ აქამდე მხოლოდ რუსი პროფესიონალი სამხედროები იხოცებოდნენ, ახლა მობილიზებულებიც დიდი რაოდენობით მიისწრაფიან კობზონის კონცერტზე.

მაგრამ მათი რაოდენობაც მილევადია. ამიტომ რუსეთს მალე მოუწევს მობილიზაციის ახალი ნაკადის დაწყება. რა თქმა უნდა, ომისთვის მოუმზადებელი ეს ახალი ნაკადიც ისეთივე საზარბაზნე ხორცი იქნება, როგორიც პირველი იყო. ისინი ფრონტზე გარდატეხას ვერ მოახდნენ, უბრალოდ თავიანთი სიცოცხლის ფასად ცოტა ხნით შეაფერხებენ უკრაინელთა წინსვლას.
უკრაინა კი მათ ახვედრებს მომზადებულ და დასავლური შეიარაღებით აღჭურვილ ჯარს. თან ეს შეიარაღება მუდმივად იზრდება.

უკრაინა აუცილებლად გაიმარჯვებს! 🇺🇦🇺🇦🇺🇦” – წერს ფეისბუქის პირად გვერდზე ზურაბ ბატიაშვილი.

კომენტარები პუბლიკაციაზე