“ერთიანი ნაციონალური მოძრაობის” თავმჯდომარეობის კანდიდატის, გიორგი ჩალაძის მიერ არჩევნებში მონაწილეობაზე უარის თქმას და კანდიდატურის მოხსნას განმარტავს “ქრონიკა +”-ის მთავარი რედაქტორი, ელისო კილაძე:
“კიდევ ერთხელ განვმარტავ – მიხეილ სააკაშვილი სრულად დისტანცირებულია ქართული პოლიტიკიდან, არ ერევა ენმ-ში მიმდინარე საარჩევნო პროცესში.
გიორგი ჩალაძემაც იმიტომ მოხსნა კანდიდატურა, რომ მისი მონაწილეობა ამ არჩევნებში არ ყოფილიყო აღქმული მიშას ჩარევასთან.
ჰო, ხაბეიშვილს მიშას გათავისუფლების კომიტეტის შექმნა თუ უნდოდა, ერთი წლის წინ შეეძლო ამის გაკეთება – მიშას თხოვნაც იყო, დააიგნორა!” – წერს ელისო კილაძე ფეისბუქის პირად გვერდზე.
