“სტრატეგია აღმაშენებლის” გენერალური მდივანი, დეპუტატი პაატა მანჯგალაძე, პარლამენტის სესიაზე, ტელეკომპანია “მთავარი არხის” გენერალური მდივნის, ნიკა გვარამიას დაკავების საფუძველზე საუბრობს და ანალოგია მოჰყავს საჯარო მოხელეების მიერ სახელმწიფო მანქანების გამოყენების ფაქტებთან მიმართებაში:
„ვფიქრობ, რომ “ქართული ოცნება” მიზანმიმართულად აზიანებს ევროინტეგრაციის პროცესს და დავასახელებ მიზეზს.
აქ იყო საუბარი მედიის თავისუფლებაზე და იქნებ „ქართული ოცნების“ რომელიმე წარმომადგენელი ან სპიკერი მოსამართლე გამოვიდეს და ახსნას – რაში ედება ნიკა გვარამიას ბრალი, რისთვის არის ნიკა გვარამია დაკავებული? მე ვესწრებოდი ნიკა გვარამიას პროცესებს და ბრალდების მხარემაც კი ვერ წარუდგინა მას ბრალი.
ის, რომ ოჯახის წევრები გადაადგილდებოდნენ ფირმის კუთვნილი მანქანით, ამის გამო თუ შეიძლება კერძო სტრუქტურაში მომუშავე ადამიანის დაპატიმრება, სახელმწიფო მანქანებით გადაადგილდებიან თქვენი ოჯახის წევრები და მაშინ თქვენ ყველა უნდა დაგაკავონ, იგივე ლოგიკით.
ნიკა გვარამიასთან დაკავშირებით არსებული საქმე აბსურდია, პირდაპირ გეუბნებით“, – განაცხადა პაატა მანჯგალაძემ.