საქართველოს პარლამენტის თავმჯდომარის მოადგილე არჩილ თალაკვაძე პოლიტიკურ შეფასებას აკეთებს ,,ერთიანი ნაციონალური მოძრაობაში” მიმდინარე პროცესებზე და აცხადებს, რომ ახლა მიმდინარეობს დავით კეზერაშვილის ე.წ. ,,შავი ფულის” გადანაწილება პარტიული დაფინანსებისთვის:
,,ვხედავთ, რომ მიმდინარეობს შიგნით კეზერაშვილის გაყოფა-გადანაწილების პროცესი. კეზერაშვილი ნიშნავს ,,შავ ფულს” პარტიული დაფინანსებისთვის, ნიშნავს ტელევიზიებს და ეს არის ზუსტად შანტაჟის მთავარი ინსტრუმენტები ,,ნაციონალური მოძრაობისთვის”, როგორც შიგნით, ისე გარეთ.
გახსოვთ, რომ ისინი დანარჩენ ოპოზიციასაც ასე აშანტაჟებდნენ, როდესაც ბოიკოტი იყო პარლამენტის წინააღმდეგ. ახლა ეს ყველაფერი ხდება შიგნით და კეზერაშვილი, მისი ,,შავი ფულიც”, სატელევიზიო გავლენებიც დარჩება იმას, ვინც არის უფრო უტიფარი, თავზეხელაღებული, უპრინციპო და უფრო მეტად მყვირალა.
ზუსტად ველით, რომ ასეთი კანდიდატი იქნება შერჩეული მელიას ნაცვლად”, – განაცხადა არჩილ თალაკვაძემ.
ავტორი
ნინი ხიჯაკაძე
