“ეს არის შეთქმულება! ეს არის ღალატი საქართველოს წინააღმდეგ – აშკარა და ცხადი!” – პაატა მანჯგალაძე საქართველოს ხელისუფლების მიმართ

საქართველოს პარლამენტის წევრი, ,,სტრატეგია აღმაშენებლის” გენერალური მდივანი პაატა მანჯგალაძე პოლიტიკურ შეფასებას აკეთებს ევროპარლამენტის რეზოლუციასთან დაკავშირებით და “მთავარი არხის” ჟურნალისტთან კომენტარში მწვავე პოზიციას აფიქსირებს ხელისუფლებასთან მიმართებაში:

,,დღეს ხდება ტორპედირება ჩვენი ევროპული კურსის იმისათვის, რომ დასავლური რელსებიდან გადააგდონ საქართველო და ქვეყანა დატოვონ რუსული გავლენის სივრცეში ანუ რუსულ ჭაობში.

ეს არის შეთქმულება! ეს არის ღალატი საქართველოს წინააღმდეგ – აშკარა და ცხადი!

რა უნდა იყოს გამოსავალი?

სამწუხაროდ, კიდევ არიან ადამიანები, ,,ქართული ოცნების” 60% მხარდამჭერები, ვისაც სჯერა, რომ ევროპისკენ მიდის მმართველი პარტია. ამიტომ, როცა უარს გვეტყვიან, სამწუხაროდ, კანდიდატის სტატუსზე, ყველა უნდა მოვემზადოთ, მთელი ერი, თუ პატივს ვცემთ ჩვენ ქვეყანას, თავისუფლებას – პასუხი მოვთხოვოთ ივანიშვილს და ,,ქართულ ოცნებას“, – განაცხადა პაატა მანჯგალაძემ.

ავტორი
ნინი ხიჯაკაძე