“სიტუაცია არის იმაზე მძიმე, ვიდრე გვგონია” – მარიამ ჯიშკარიანი

საქართველოს მე-3 პრეზიდენტის მიხეილ სააკაშვილის მძიმე ჯანმრთელობის მდგომარეობაზე ,,მთავარი არხის” ჟურნალისტთან კომენტარს აკეთებს წამების მსხვერპლთა ფსიქოლოგიური რეაბილიტაციის ცენტრ ,,ემპათიას” დირექტორი მარიამ ჯიშკარიანი:

,,ჯანმრთელობის მდგომარეობა არის მძიმე. ამ ეტაპზე მხოლოდ შემიძლია გითხრათ, რომ იგი სასწრაფოდ საჭიროებს დიაგნოსტიკისათვის გადაყვანას საზღვარგარეთ, მულტიპროფილურ კლინიკაში.

საქართველოში არ მესახება მიზანშეწონილად მისი დატოვება და დიაგნოსტიკის სრულყოფილება. ეს გამოიკვეთა ჩვენი დაკვირვების შედეგად ბოლო 6 თვის განმავლობაში.

სიტუაცია არის იმაზე მძიმე, ვიდრე გვგონია. ამიტომ ჩვენი დასკვნა იქნება ძალიან სწრაფად მომზადებული.

მოვუწოდებ პოლონეთის სეიმის თავმჯდომარეს ყველა ზომა მიიღოს, რათა სწრაფად იქნას გაყვანილი მიხეილ სააკაშვილი საქართველოს საზღვრებს გარეთ“, – განაცხადა მარიამ ჯიშკარიანმა.

ავტორი
ნინი ხიჯაკაძე