ყოფილ პრემიერ-მინისტრ გიორგი გახარიას მიმართ მმართველი გუნდის წარმომადგენლების მხრიდან გამოთქმულ შეურაცხმყოფელ შეფასებებთან დაკავშირებით მწვავე პოზიციას აფიქსირებს და კონკრეტულ განმარტებებს აკეთებს “ეთნიკურ და კონფესიურ ურთიერთობათა ცენტრის” ხელმძღვანელი, ლელა ჯეჯელავა:
“ცხადია ჩემი საქმე არ არის რა ფორმით ექნებათ ურთიერთობა “ოცნების” ყოფილ და ამჟამინდელ წევრებს, მაგრამ მაინც გადავწყვიტე გამოვხმაურებოდი გიორგი გახარიასთან დაკავშირებულ გამოხტომებს.
ჩემს მეგობრებს შორის, სამწუხაროდ, კიდევ ბევრი ხართ “ქართული ოცნების” მხარდამჭერები და მხოლოდ თქვენთვის ვწერ ამას.
თავი რომ დავანებოთ, ამ უხამს, უინტელექტო და უკულტურო გამოხტომებს, რითაც კიდევ ერთხელ მკაფიოდ გვაჩვენა “ქართული ოცნების” “შესაძლებლობები”. გვითხრეს, რომ უნდათ სტიუარდესას დაგვისვამენ პრემიერად, უნდათ – სახედარს და ჩვენ გვაიძულებენ თაყვანი ვსცეთ და, რომ ადამიანი ღირებული მხოლოდ მაშინ არის, როცა მხოლოდ ამ უკულტურო და გაუნათლებელ ჯოგს მიაკუთვნებს თავს.
თუკი, “ქართული ოცნების” მხარდამჭერი ექსპერტები კიდევ ერთხელ ახსენებენ ქართველ ხალხს და მათი სახელით გაბედავენ რამის თქმას, იძულებული გავხდები მათ გავცე საკადრისი პასუხი პრემიერ-მინისტრად “ქალოია სტიუარდესის” მხარდაჭერის გამო.
ისე, კი შორს არ არის ის დრო, რომ “ქართული ოცნების” ინტელექტუალური მეტრი სამხარაძე ჩითის კაბაში გადაცმული აღმოაჩინონ ქვეყნის საზღვარზე და გიორგი ვოლსკი სახედრის სამგზის დაყროყინებამდე იცვლიდეს პოზიციას გახარიას მიმართ. გრცხვენოდეთ ასეთი უხამსობის “გამპრავებლებს”, – წერს ფეისბუქის პირად გვერდზე ლელა ჯეჯელავა.
