ველური ბუნების ეროვნული სააგენტოს ინფორმაციით, კრწანისის ტყეპარკში ქოჩორა ყვინთია იხვები გამოჩნდნენ
ქოჩორა ყვინთია იხვის – Tufted duck (Aythya fuligula) სხეულის სიგრძე 40–47 სმ-ს, ფრთის შლილი 65–72 სმ-ს, ხოლო მასა 550–746 გრამს აღწევს. მის ბუმბულს მოლურჯო-მწვანე ელფერი დაჰკრავს, თავი კი მომრგვლებული ფორმის აქვს. ნისკარტი ფართო და მოკლე აქვს და როგორც წესი მუქი დაბოლოებისაა. ყვინთია იხვს კეფაზე აქვს ჩამოშვებული ქოჩორი, რომელიც განსაკუთრებულად მამალზე შეინიშნება გამრავლების პერიოდში. დედლის შეფერილობა რამდენადმე განსხვავებულია, რამეთუ იგი მოწითურო-მურა ფერისაა. ქოჩორი კი სუსტად აქვს გამოხატული.
კომენტარები - დატოვეთ თქვენი მოსაზრება
