“სტრატეგია აღმაშენებლის” განათლების მიმართულების ხელმძღვანელი განმარტებებს აკეთებს იმასთან დაკავშირებით, რომ 2021 წლის მაისში მისმა პარტიამ პარლამენტში შეიტანა საკანონმდებლო ინიციატივა, რექტორის პირდაპირი და საყოველთაო ლეგიტიმაციით არჩევის წესთან დაკავშირებით. ამასთან, ეხმიანება რა სახელმწიფო უნივერსიტეტთან დღეს გამართულ აქციას, ნანა ტოხვაძე სრულად ეთანხმება სტუდენტების მოთხოვნას, რომ შეწყდეს ხელისუფლების ხელდასმული და რჩეული კანდიდატების გამწესება რექტორის პოზიციაზე:
“აბსურდის თეატრი, რაც თბილისის სახელმწიფო უნივერტიტეში ხდება, უნდა დასრულდეს!
“სტრატეგია აღმაშენებლის” გუნდი სრულად ვეთანხმებით სტუდენტების სამართლიან მოთხოვნას, შეწყდეს ხელისუფლების ხელდასხმული და რჩეული კანდიდატების გამწესება რექტორის პოსტზე.
სწორედ ამიტომ, “სტრატეგია აღმაშენებელმა” ჯერ კიდევ გასულ წელს, 2021 წლის მაისში, შეიტანა საკანონმდებლო ინიციტივა რექტორის პირდაპირი და საყოველთაო ლეგიტიმაციით არჩევის წესთან დაკავშირებით. ეს კანონპროექტი სრულად ასახავს სტუდენტების მოთხოვნას და ასევე იქნება პრევენცია იმისა, რომ აკადემიურმა საბჭომ არაშიდა კულუარული გარიგებებით და “ოცნებისგან” ხელდასხმით წარადგინოს და აირჩიოს რექტორი, არამედ არჩევანის საშუალება უნდა მიეცეთ პროფესორებს, აკადემიურ წრეებს და სტუდენტებს”, – აცხადებს ნანა ტოხვაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
