“ბიძინა ივანიშვილზე დეოლიგარქიზაციის კანონპროექტი ფიზიკურად და ობიექტურად ვერ გავრცელდება!” – ანრი ოხანაშვილი

მმართველ პარტია უახლოეს ხანში დეოლიგარქიზაციის კანონპროექტს პარლამენტში დააინიცირებს. ამასთან დაკავშირებით ჟურნალისტებთან კომენტარს აკეთებს პარლამენტის იურიდულ საკითხთა კომიტეტის თავმჯდომარე ანრი ოხანაშვილი. მისი განმარტებით, აღნიშნული კანონპროექტი ,,ქართული ოცნების“ დამფუძნებელზე, ბიძინა ივანიშვილზე ვერ გავრცელდება:

,,ბიძინა ივანიშვილზე დეოლიგარქიზაციის კანონპროექტი ფიზიკურად და ობიექტურად ვერ გავრცელდება, იმ მარტივი მიზეზის გამო, ის 3 კრიტერიუმი, რომელიც არის შემოთავაზებული, ვერაფრით ვერ უზრუნველყოფს იმას, რომ ბიძინა ივანიშვილი მოხვდეს ოლიგარქთა სიაში.

შემიძლია დანამდვილებით გითხრათ, რომ ამ სამივე კომპონენტს ასრულებენ კეზერაშვილი და ის სხვა ოლიგარქები, რომლებიც აღიარებითი ჩვენებებით, სხვა ფაქტებით და ოპოზიციის განცხადებებითვე მიჩნეულ შეიძლება იქნენ ოლიგარქებად!“, – განაცხადა ანრი ოხანაშვილმა.

ავტორი
ნინი ხიჯაკაძე