საქართველოს პარლამენტის წევრი, ,,სტრატეგია აღმაშენებლის” თავმჯდომარე გიორგი ვაშაძე უკრაინის მიერ NATO-ში დაჩქარებული წესით გაწევრიანების განაცხადს ეხმიანება და ჟურნალისტებთან კომენტარში მწვავე შეფასებებს აკეთებს ხელისუფლების მიმართ, ამ მხრივ პასიურობის გამო:
,,პრორუსული ,,ქართული ოცნების” გადამკიდე სამარცხვინო, შემზარავად სამარცხვინო მდგომარეობაში ვართ ჩვენ – ყველანი.
ჩვენ, პროევროპელი ქართველები, პრონატოელი ქართველები, რომლებიც ვართ აბსოლუტური უმრავლესობა, ვიმსახურებთ ნატოს წევრობას.
ახლა, რაც არის მნიშვნელოვანი – მეც პირადად ვსაუბრობ ძალიან ბევრ პარტნიორთან. იცით, რომ რამდენიმე დღის წინ იყო NATO-ს წარმომადგენელი ჩამოსული, რომ დეტალებში გავერკვიოთ რამდენად შესაძლებელია, რომ იძულებითი მექანიზმით თუ შევატანიეთ განაცხადი პრორუსულ ,,ქართულ ოცნებას”, ჩვენი განაცხადი დაეწიოს უკრაინის განაცხადს,” – განაცხადა გიორგი ვაშაძემ.
ავტორი
ნინი ხიჯაკაძე
