რუსეთის მოქალაქეების საქართველოს მასიურ შემოდინებასა და ლარსის გამშვებ პუნქტზე შექმნილი მდგომარეობის შეფასებას ახდენს და საზღვრის ჩაკეტვის საკითხთან დაკავშირებით კომენტარს აკეთებს პარლამენტის ადამიანის უფლებათა და სამოქალაქო ინტეგრაციის კომიტეტის თავმჯდომარის პირველი მოადგილე ალუდა ღუდუშაური:
,,ცივილიზებული სამყარო არ არის ჩამოყალიბებული, ზოგადად, რა მიდგომა უნდა იქნეს ამ შემთხვევაში. არ მგონია, ვინმეს ზოგადად ჩაკეტილი ჰქონდეს საზღვარი და ასე ვთქვათ, ,,პირველი მერცხლები” როგორ უნდა ვიყოთ ან რატომ უნდა ვიყოთ?! – ესეც გაუგებარი არის! როდესაც სახელმწიფო უწყების წარმომადგენლები, მაღალი პოლიტიკური თანამდებობის პირები აცხადებენ, რომ დიახ, ყველაფერი კონტროლდება.
თუმცა, რა თქმა უნდა, სტატისტიკა არის გაზრდილი და ეს არის ცალსახა. ასეთ შემთხვევაში, ყოვლად დაუშვებელი არის იმაზე მეტი აჟიოტაჟის ატეხვა, ვიდრე ზოგადად ობიექტური სურათი არის.
– დარწმუნებული ხართ, რომ კონტროლდება შემოდინება? [ჟურნალისტის შეკითხვა].
– დედას გეფიცებით, რომ ეგრეა, კი“, – განაცხადა ალუდა ღუდუშაურმა.
