“უსაფრთხოების საბჭოს სხდომა უნდა მოვიწვიოთ” – პაატა მანჯგალაძე

პარლამენტის წევრი, ,,სტრატეგია აღმაშენებლის” გენერალური მდივანი პაატა მანჯგალაძე კომენტარს აკეთებს საქართველოს პრეზიდენტის, სალომე ზურაბიშვილის შეთავაზებაზე უსაფრთხოების საბჭოს სხდომის მოწვევასთან დაკავშირებით:

,,უსაფრთხოების საბჭოს სხდომა უნდა მოვიწვიოთ. იმიტომ, რომ ჩვენ ვცხოვრობთ ძალიან რთულ რეგიონში. პრეზიდენტი 4 წლის მანძილზე ერთხელაც არ არის ნამყოფი სახელმწიფო მნიშვნელობის უსაფრთხოების საბჭოსთან.

მე კი არ ვამბობ, რომ სალომე ზურაბიშვილი ასეთ შეკრებაზე რომ მივა, რამე გადაწყდება ან ღარიბაშვილი და გომელაური რომ ერთად დაჯდებიან, ამით რამე არსებითად შეიცვლება. სხვა რამეს ვამბობ – დასვით საქართველოს უსაფრთხოებასთან დაკავშირებული საკითხები და გააგებინებთ საზოგადოებას, რას აპირებთ!

ის, რომ ამაზე რეაქცია არ აქვს კობახიძეს; ის, რომ ამაზე რეაქცია არ აქვს ღარიბაშვილს, რასაც ლარსის საზღვარი ატარებს, ამ დროს ყველა ადამიანს უშვებენ საქართველოდან, ქვეყნიდან გარბის ათასობით ქართველი და საქართველოს მოქალაქე – არც ამაზე აქვთ რეაქცია, აქედან ჩანს, თუ ვის ინტერესებს გამოხატავს ეს ხალხი – საქართველოს თუ რუსეთის”, – განაცხადა პაატა მანჯგალაძემ.

ავტორი
ნინი ხიჯაკაძე