“ცხადია, რომ სააშკარაოზე გამოაქვთ ერთმანეთთან დაპირისპირება” – კახა კალაძე “ნაციონალურ მოძრაობაში” მიმდინარე პროცესებზე

დედაქალაქის მერი, პარტია “ქართული ოცნების” გენერალური მდივანი პოლიტიკურ შეფასებას აკეთებს “ნაციონალურ მოძრაობაში” მიმდინარე პროცესებთან დაკავშირებით:

“ეს არის რეალურად იმ დაპირისპირების შედეგი, რაც მათ პარტიაში ხდება. ვერ გაურკვევიათ ვინ ვისკენ არის, ვინ თავმჯდომარის მხარეს უნდა იყოს, ვინ – მიშას მხარეს.

ეს არის მათი შიდაპარტიული დაპირისპირება და მე გამიჭირდება ამაზე საუბარი.

ცხადია, რომ სააშკარაოზე გამოაქვთ ერთმანეთთან დაპირისპირება. იქ ნიკა მელიას უპირისპირდებიან, იქ ვიღაც კეზერაშვილს უპირისპირდება. ეს რეალურად ჩანს, თუმცა მათი პარტიული საქმეებია და ურთიერთობებს ალბათ თვითონ გაარკვევენ,” – განაცხადა კახა კალაძემ.