“ვიპარტნიორებ იმასთან, ვინც ბიძინას წინააღმდეგ იქნება” – ელენე ხოშტარია

უკრაინაში მყოფი “დროას” ლიდერი, ელენე ხოშტარია ოპოზიციის პასუხისმგებლობასთან დაკავშირებით თავის პოზიციას აფიქსირებს და აცხადებს, რომ ხელისუფლების, ბიძინა ივანიშვილის წინააღმდეგ ბრძოლაში ყველასთან ითანამშრომლებს:

“კიევიდან კიდევ უფრო მძაფრად ჩანს რამხელა პასუხისმგებლობა გვაქვს ოპოზიციას.

იმპერიას ვებრძვით და ამ დროს მარტივ კითხვაზე – რას შვრება ოპოზიცია? – მარტივი პასუხია საჭირო.

ვის აინტერესებს “რაზბორკები”.

დავით კეზერაშვილთან მე ვპარტნიორობ და ვიპარტნიორებ. ასევე ვიპარტნიორებ იმასთან, ვინც ბიძინას წინააღმდეგ იქნება. არც კეზერაშვილი არც სხვა არ იქნება ოლიგარქი, რადგან არავის ჭკუაზე არ ვივლი და ჩემი ფასეულობებით გადავწყვიტავ.

6 თვეა დავით კეზერაშვილის და მისი ცოლის დაფინანსებით ვინახავთ უკრაინელებს.

მოკლედ საქმეს მივხედოთ და წესიერება ურთიერთობაში შევინარჩუნოთ,” – წერს ფეისბუქის პირად გვერდზე ელენე ხოშტარია.