“რუსების ტანკში საწვავს ასხამს ბიძინა ივანიშვილი და მისი გარემოცვა” – ლევან ხაბეიშვილი

6066
სააგენტო "პარალელი"

ოფიციალური კიევი 2 კვირაში გამოაცხადებს იმ ადამიანების ვინაობას, ვისაც სანქციები შეეხება. აღნიშნულ საკითხზე ტელეკომპანია “მთავარ არხთან” ჩართვისას კომენტარს აკეთებს ფრაქცია ,,ერთიანი ნაციონალური მოძრაობა – ძალა ერთობაშიას“ და “ანტიკორუფციული მოძრაობის” წევრი ლევან ხაბეიშვილი:

,,სია ფაქტობრივად გამოქვეყნებულია. თუმცა, ამ სიიდან სავარაუდოდ იქნებიან გამოკვეთილი ე.წ. განსაკუთრებული რუსეთუმეები, როგორიც არის ბიძინა ივანიშვილი, უჩა მამაცაშვილი, ვანო ჩხარტიშვილი, რუხაძე, ხიდაშელი.

სავარაუდოდ, ეს ადამიანები იქნებიან სწორედ მოწინავე უკრაინის ხელისუფლების სიაში, რომლებიც აუცილებლად იქნებიან სანქცირებულები. ისინი უკვე მთავარ რაშისტებად არიან აღიარებულები. ისინი არგუმენტირებულად არიან ეჭვმიტანილები რუსების დახმარებაში

ფაქტობრივად შეგვიძლია ვთქვათ, რომ რუსების ტანკში საწვავს ასხამს ბიძინა ივანიშვილი და მისი გარემოცვა“, – განაცხადა ლევან ხაბეიშვილმა.

ინფორმაციისთვის: უკრაინის ანტიკორუფციულ სააგენტოში მიღებულ გადაწყვეტილებას უკრაინაში მყოფი ,,დროას“ ლიდერი ელენე ხოშტარია ასაჯაროებს. კომპანია, რომელიც პასუხისმგებელია საფონდო ბირჟის მენეჯმენტზე, კონკრეტული პირების სანქცირებისას უკრაინის ეროვნული ანტიკორუფციული სააგენტოს მონაცემებს დაეყრდნობა.

ავტორი
ნინი ხიჯაკაძე

კომენტარები პუბლიკაციაზე