,,ევროპული საქართველოს“ თავმჯდომარე გიგა ბოკერია მწვავე კრიტიკულ პოლიტიკურ შეფასებას აკეთებს პრემიერ-მინისტრ ირაკლი ღარიბაშვილის სიტყვით გამოსვლასთან დაკავშირებით გაეროს 77-ე ასამბლეაზე:
,,უკრაინის ომმა მოგვცა იმის დამატებითი შესაძლებლობა, რომ უკრაინასთან და უკრაინაში რუსეთის აგრესიასთან ერთად თქვა, რატომ არის უკრაინის და ამავე დროს საქართველოს მხარდაჭერა და აქ უსაფრთხოების, თავისუფლების გარანტირება მნიშვნელოვანი მსოფლიოსთვის.
ამას უკრაინელი ლიდერები ყოველ ჯერზე ამბობდნენ. ამბობდნენ, რომ ეს მარტო ჩვენი პრობლემა კი არ არის, ამიტომ, ამიტომ და ამიტომ არის ყველას პრობლემა.
ვერ ვეღირსეთ და ვერც ვეღირსებით, სანამ ივანიშვილის რეჟიმი არის, რომ ასეთი ან მსგავსი გზავნილი გვქონდეს ამ ხალხისგან. იმიტომ, რომ ამათ სხვა ამოცანა აქვთ – ამათ აქვთ ამოცანა უბრალოდ საკუთარი ძალაუფლების გახანგრძლივების.
როცა გვაქვს ყველა ნიშანი მოქალაქეების სერიოზული გადინების. იმის გამო, რომ ცხოვრება ბევრად უფრო გაძვირდა, ვიდრე ეკონომიკური ზრდა გვაქვს, ანუ ჯამში ადამიანების შემოსავლები კლებულობს და პერსპექტივის განცდა არ არსებობს.
ამ მდგომარეობაში მყოფი ქვეყანის პრემიერი თავს უფლებას აძლევს სერიოზულად ილაპარაკოს, რომ საქართველო და შვეიცარია დღეს არის კარგ დღეში!“, – განაცხადა გიგა ბოკერიამ.
