უკრაინაში ვიზიტით იმყოფება პარტია “დროას” ლიდერი ელენე ხოშტარია. ოპოზიციონერი ლიდერი ქართულ საზოგადოებას ერთგვარ მოკლე ანგარიშს აბარებს და ის თემები ჩამოთვალა, რაზეც მიმდინარეობს საუბრები, შეხვედრებისას:
“საინტერესო შეხვედრები მაქვს კიევში. დღეს პირველი დღეა და გიზიარებთ თემებს, რაზეც ვსაუბრობთ შეხვედრებზე:
1. კარგად ხვდებიან, რომ ხალხის მხარდაჭერა მაღალია მიუხედავად მთავრობის პრორუსულობისა;
2. უკრაინა რეგიონალური ლიდერია და რეგიონში პუტინის საყრდენების მოშორება საერთო ამოცანაა;
3. გავუზიარე მასალები, დოკუმენტები სანქციების თავიდან არიდების შემთხვევებზე და ოლიგარქიული მმართველობის კავშირებზე კრემლთან. სამუშაო რეჟიმში მუდმივად მივაწვდით ინფოს;
4. გვინდა თანამშრომლობა შავი ზღვის უსაფრთხოებაზე;
5. უკრაინელი დევნილებისთვის საერთაშორისო ფონდებზე ერთად ვიმუშავებთ, რადგან მთავრობა არაფერს შვება;
6. მიხეილ სააკაშვილი პუტინის პატიმარია,” – წერს ფეისბუქის პირად გვერდზე ელენე ხოშტარია.