“ხდება ესეთი მოვლენები მთელ მსოფლიოში და მოხდა აქაც” – ირაკლი ქადაგიშვილი

ქუთაისში, ,,საქართველოს ბანკის” ფილიალში განხორციელებულ ძარცვას და მძევლების აყვანას ეხმიანება პარლამენტის საპროცედურო საკითხთა და წესების კომიტეტის თავმჯდომარე ირაკლი ქადაგიშვილი:

,,ბანკში არის მძარცველი, რომელსაც მძევლები ჰყავს აყვანილი, როგორც გავიგეთ ჩვენ ყველამ.

თქვენ მოგეხსენებათ, რომ აქამდე 2 შემთხვევა იყო ასეთი საკმაოდ გახმაურებული. ერთი იყო ესებუა, რომელიც დღესაც ძებნაშია; მეორე იყო ყვარელში, სადაც დამნაშავე დაკავებული იყო. თვითონ ბანკშივე ჩატარდა ეს ოპერაცია.

იმედი ვიქონიოთ, რომ აქაც მშვიდობიანად დასრულდება და დამნაშავე დაკავებული იქნება. ხდება ესეთი მოვლენები მთელ მსოფლიოში და მოხდა აქაც.

შესაბამისად შინაგან საქმეთა სამინისტრო, ალბათ, სპეციალურ ზომებს იღებს იმასთან დაკავშირებით, რომ პირველ რიგში ეს ინციდენტი არ მოხდეს”, – განაცხადა ირაკლი ქადაგიშვილმა

ინფორმაციისთვის: ქუთაისში, „საქართველოს ბანკის“ ფილიალში შეიჭრა პირი, რომელმაც გარკვეული მოთხოვნები წამოაყენა. კონკრეტულად, რუსული დროშა, ანკესი, ვერტმფრენი და 2 მილიონ დოლარი.

P.S. ვრცელდება ინფორმაცია, რომ მძარცველი დაკავებულია, მძევლები გათავისუფლებული.