“შეუძლებელია უბრალოდ ადამიანს საკუთრება ყოველგვარი მიზეზის გარეშე მოკიდო და ჩამოართვა” – მიხეილ სარჯველაძე Credit suisse-თან ბიძინა ივანიშვილის დავასთან დაკავშირებით

,,The business times”-ის მიერ გამოქვეყნებულ სტატიაში საუბარია ,,ქართული ოცნების“ დამფუძნებლის ბიძინა ივანიშვილის საქმეზე შევეიცარიის ბანკ Credit suisse-თან დაკავშირებით. აღნიშნულ თემაზე კომენტარს აკეთებს პარლამენტის ადამიანის უფლებათა და სამოქალაქო ინტეგრაციის კომიტეტის თავმჯდომარე მიხეილ სარჯველაძე:

,,სრული პასუხისმგებლობით ითქვა – პოზიცია, რომელიც ამ ყველაფერში ჰქონდა Credit suisse-ს, იყო აბსურდული, ნონსენსი. უბრალოდ აუხსნელია! არცერთი დეკლარირებული განცხადებული მათი პოზიცია, რაც არსებობდა არ ხსნის იმ კოშმარულ დარღვევას, რომელიც მათ ჰქონდათ დაშვებული.

რაც უფრო დროულად მიხვდებიან და აღიარებენ, რომ ეს იყო დარღვევა, რასაკვირველია, ეს არის სწორი. მერწმუნეთ, მათთვისვეა უკეთესი იმიტომ, რომ შეუძლებელია უბრალოდ ადამიანს საკუთრება ყოველგვარი მიზეზის გარეშე მოკიდო და ჩამოართვა“, – განაცხადა მიხეილ სარჯველაძემ.

ინფორმაციისთვის: ,,The business times”-ის სტატიაში საუბარია შვეიცარიის ბანკ ,,Credit suisse“-ის პოზიცია, ამასთან ყურადღებას ამახვილებს CREDIT Suisse Group-ის ტრასტის მთავარი ადვოკატი ლი ენგ ბენგის ჩვენებაზე, რომელიც 16 სექტემბერს მოსამართლესთან აცხადებს, რომ ტრასტმა დაარღვია საკუთარი, როგორც ნდობით აღჭურვილი მმართველის ვალდებულებები.

ავტორი
ნინი ხიჯაკაძე