ილიას სახელმწიფო უნივერსიტეტის პროფესორი ლევან ბერძენიშვილი ,,მთავარი არხის“ ჟურნალისტთან საკუთარ პოზიციას და შეფასებას აფიქსირებს ქვეყანაში მიმდინარე ანტიდასავლურ და ანტიამერიკულ კამპანიასთან დაკავშირებით და ასევე ბიძინა ივანიშვილთან მიმართებაში:
,,ბიძინა ივანიშვილმა მოიფიქრა, რომ ახლა საჭირო არის ამერიკის გინება, მაგრამ უხერხული არის ,,ქართული ოცნებისგან“. ამიტომ სამეული გამოეყო მმართველ გუნდს და დაიწყო ეს საქმიანობა. სამი ცუდი რიცხვი აღმოჩნდა. ქართულში იმაზე მეტი ანდაზა აღმოჩნდა “სამზე”, ვიდრე საჭიროა. აღარ გავიმეორებ, რომლები. ამიტომ დაემატა მეოთხე.
ეს არის ოთხი უწიგნური, უვიცი, უსინდისო რუსეთის აგენტი – არ ვიცი, ქაღალდი გაფორმებული აქვთ თუ არა რუსეთთან – სულიერი აგენტები არიან!
გასაგებია, რომ შეურაცხყოფა მიაყენეს ყველაზე უფრო ძლიერი სადაცაა იმ ნაწილში – ფული წაართვეს. ახლა მთელი საქართველო ღელავს ამ ფულის გამო, მაგრამ ამ ქვეყანას რუსთაველი ჰყავდა და ბიძინას ფულს ნუ გადავაყოლებთ!“, – განაცხადა ლევან ბერძენიშვილმა.
ავტორი
ნინი ხიჯაკაძე
