სერიოზული პრობლემების წინაშე მდგარ რუსეთზე საუბრობს კრედო აკადემიის ტრენერი, ბიზნესის ადმინისტრირების დოქტორი, ექსპერტი ზურაბ მაღრაძე:
“3 დღეში კიევის ამღებმა, 30 წელი ტყუილში აცხოვრა ყარაბაღელები, აფსუებიც და ოსებიც.
ყველაზე დიდი შეცდომა კი ის დაუშვა, რომ დემოკრატი ბარაკ ობამას პრეზიდენტობისას ბოლო სატელეფონო საუბარში ობამა მას შეპირდა – არ შეიჭრა ყირიმში, თორემ იზოლაციაში მოგაქცევო… ხოლო დემოკრატმა პრეზიდენტმა ჯო ბაიდენმა ინაუგურაციის საღამოს განაცხადა – ობამას მესამე ვადა ვიქნებიო. დიდი შეცდომა აქ მოუვიდა სწორედ თეთრი ურდოს ყეენს.
ლენდ-ლიზის ამოქმედებამდე უკრაინა კიდევ უფრო დიდ შედეგებზე გავა. ყეენს კი უკან დასახევი გზა არ გააჩნია. ამიტომ უკან არ და ვერ დაიხევს.
ფედერაციის დაშლა რომ გარდაუვალია, ეს ამბავი მოსკოვის საქმიანი წრეებისთვისაც უკვე ნათელია. მათ სხვა საფიქრალი აქვთ ახლა, სად და როგორ გააკონვერტირონ დარჩენილი საკუთარი კაპიტალი. არადა დიდძალი ბუნებრივი რესურსებია ფედერაციის ტერიტორიაზე. თავად უკეთ იციან რა უნდა ქნან.
ლიბერალური ქარიშხალი დგას! დათმობა არ იქნება!” – წერს ფეისბუქის პირად გვერდზე ზურაბ მაღრაძე.
