სახალხო დამცველის კანდიდატურის შერჩევა იწყება. აღნიშნულ პროცესებში არასამთავრობო ორგანიზაციების ჩართულობასთან დაკავშირებით განცხადებას აკეთებს საქართველოს ახალგაზრდა იურისტთა ასოციაციის თავმჯდომარე ნიკა სიმონიშვილი:
,,როდესაც ხელისუფლება უარს ეუბნება 2 არასამთავრობო ორგანიზაციას ამ პროცესში მონაწილეობაზე. პირდაპირ ისეც კი, რომ საერთოდ არც კი უთქვამთ ამ ორგანიზაციებს სურთ თუ არა აი ამ პროცესში შესვლა, ხელისუფლება ასე ხისტად აფიქსირებს თავის პოზიციას, რა თქმა უნდა, ეს ყველაფერი არის ევროკავშირის რეკომენდაციების საწინააღმდეგო, რომ ეს პროცესი იყოს ინკლუზიური და ჩართულობითი.
მმართველი გუნდი წყვეტს ფაქტობრივად იმას, როგორ დაკომპლექტდეს ეს სამუშაო ჯგუფი. ეს, რა თქმა უნდა, საკმაოდ პრობლემურია.
თუმცა, ამასაც რომ თავი დავანებოთ, სამუშაო ჯგუფს აქვს არა ფილტრის ფუნქცია, არამედ უბრალოდ კანდიდატების გამტარის ფუნქცია“, – განაცხადა ნიკა სიმონიშვილმა.
ავტორი
ნინი ხიჯაკაძე
