მედიის საკითხებზე მომუშავე საპარლამენტო ჯგუფი მთავარ საკითხებზე შეჯერდა, რომელიც ევროსაბჭოს 12 რეკომენდაციაშია ასახული. შეხვედრის შემდეგ ჟურნალისტებთან კომენტარი გააკეთა ფრაქცია ,,ერთიანი ნაციონალური მოძრაობა – ძალა ერთობაშიას“ თავმჯდომარის მოადგილემ ლევან ბეჟაშვილმა:
,,პირველი ინიციატივა არის, რომ მოხდეს ამნისტია მედია-მენეჯერების და მედიის მფლობელების, რომელთა მიმართ სისხლის სამართლის საქმე აქვს დაწყებული პროკურატურას.
აქ საკმაოდ ბევრი კითხვის ნიშანი არსებობს. 12 პუნქტიან გეგმაში ეს ერთ-ერთი მნიშვნელოვანი საკითხია!
იმავდროულად ის, რომ კომუნიკაციების კომისიას ჩამოშორდეს სადამსჯელო ფუნქციები, დღეს ის გადაქცეული არის დამჯარიმებელ ორგანიზაციად მედია საშუალებებისა და ტელევიზიების.
ამ საკითხებთან დაკავშირებით ერთიანი კანონპროექტი მომზადდება და საპარლამენტო ოპოზიციის სახელით წარედგინება პარლამენტს“, – განაცხადა ლევან ბეჟაშვილმა.
ავტორი
ნინი ხიჯაკაძე
