საქართველოს პარლამენტის წევრი, ,,სტრატეგია აღმაშენებლის” გენერალური მდივანი პაატა მანჯგალაძე, მას შემდეგ რაც გაირკვა, რომ კაჭრეთში მმართველი პარტიის შეხვედრას ესწრებოდნენ “ქართული ოცნებიდან” ე.წ. “განდგომილი” დეპუტატები, მათ მიმართ მწვავე და ირონიულ შეფასებას აკეთებს:
,,მელამ რომ კუდი მოიყვანა მოწმედ, ისეთი კუდები არიან ,,ქართული ოცნების” ეგენი, სინამდვილეში – ამის მაჩვენებელია. ასევე მაჩვენებელია იმის, რომ საზოგადოებას პატივს არ სცემს ეს ხალხი!
არანაირი ,,განდგომილები” ესენი არ არიან. ესენი არიან ,,ქართული ოცნების” სპეციალურ დავალებათა ჯგუფი. ადრე დავარქვი და კიდევ გავიმეორებ – ბიძინა ივანიშვილის შაჰიდები!
ვინ არის ისეთი პრიმიტიული საქართველოში ან ქვეყნის გარეთ საერთაშორისო საზოგადოებაში, რომ ესენი ივლიან შეხვედრებზე, დაესწრებიან ,,ქართული ოცნების” სხდომებს და მოატყუებთ, რომ ვითომ ,,ქართული ოცნების” და ბიძინა ივანიშვილის პოზიცია არ არის ის საზიზღრობები, რასაც, ჩემი ვარაუდით, რუსული სპეც. სამსახურების დავალებით, ეს ადამიანები აჟღერევენ კვირაში ორჯერ?!”, – განაცხადა პაატა მანჯგალაძემ.
ავტორი
ნინი ხიჯაკაძე
