გუშინ, დღის ბოლოს, დიდი ბრიტანეთის სამეფო ოჯახმა ტვიტერის ოფიციალურ გვერდზე გამოაქვეყნა სამწუხარო ინფორმაცია, რომ გარდაიცვალა თანამეგობრობის დედოფალი ელისაბედ II.
96 წლის დედოფლის გარდაცვალების შესახებ ცნობა 8 სექტემბრის საღამოს გავრცელდა – “შუადღისით, დედოფალი მშვიდად გარდაიცვალა ბალმორალში” – ნათქვამია ბუკინგემის სასახლის განცხადებაში.
ბრიტანეთის მონარქის გარდაცვალების გამო, მისი 73 წლის ვაჟიშვილი, პრინცი ჩარლზი ავტომატურად გახდება გაერთიანებული სამეფოს და თანამეგობრობის ქვეყნების მეფე.
დედოფალი ელისაბედ II დიდი ბრიტანეთის ტახტზე 1952 წლის 6 თებერვალს ავიდა, ხოლო გვირგვინი 1953 წლის 2 ივნისს დაიდგა და შესაბამისად იგი ყველაზე ხანგრძლივად მართავდა გაერთიანებულ სამეფოს.
ელისაბედ II იყო თანამეგობრობის წევრი 15 სახელმწიფოს, მათ შორის, ავსტრალიის, ახალი ზელანდიის და კანადის მეთაური, ასევე ანგლიკანური ეკლესიის საერთო მეთაური, შეიარაღებული ძალების მთავარსარდალი.
The Royal Family
The Queen died peacefully at Balmoral this afternoon.
The King and The Queen Consort will remain at Balmoral this evening and will return to London tomorrow. pic.twitter.com/VfxpXro22W
— The Royal Family (@RoyalFamily) September 8, 2022