ბრიუსელში გამართული მოლაპარაკებების შემდეგ ევროკავშირის უმაღლესმა წარმომადგენელმა ჯოზეფ ბორელმა ჩამოთვალა ის ძირითადი მოთხოვნები, რაც საქართველოს სჭირდება ევროპაში ინტეგრაციის პროცესისთვის. აღნიშნულ საკითხზე ჟურნალისტებთან კომენტარი გააკეთა საქართველოს პარლამენტის თავმჯდომარის მოადგილემ არჩილ თალაკვაძემ:
,,პრემიერ-მინისტრმა ამასთან დაკავშირებით ამომწურავი არგუმენტები გაუზიარა თავის ევროპელ კოლეგებს. არავითარი პრობლემა მედიას, თქვენ არ გექმნებათ, როდესაც კრიტიკულ შინაარსს მაუწყებლობთ ხელისუფლებასთან მიმართებით.
სასამართლოს დამოუკიდებლობა დღეს არის დიამეტრალურად მაღალი. მოქალაქეები ეროვნულ ანუ საქართველოს სასამართლოს სისტემაში ბევრად უფრო მეტად პოულობენ და აღწევენ თავის სიმართლის დადასტურებას.
რადიკალურმა ოპოზიციამ და მათ მიერ კონტროლირებულმა ტელევიზიებმა გააკეთეს ყველაფერი ამ წლების განმავლობაში და ისინი იმეორებდნენ, ყოველდღიურად იმეორებენ თითქოს დღეს სასამართლო არის უარესი, მედია გარემო არის უარესი – ეს არის ტყუილი! რა საკვირველია!
ამ ტყუილს სჭირდება განეიტრალება. ჩვენ აქტიურად ვიმუშავებთ მომავალშიც, რომ ჩვენს ევროპელ კოლეგებს და ჩვენს საზოგადოებას ვაჩვენოთ, თუ რა პროგრესი განიცადა, თუნდაც ამ სფეროებში, საქართველომ!“, – განაცხადა არჩილ თალაკვაძემ.
ავტორი
ნინი ხიჯაკაძე
