მინისტრთა კაბინეტის ვიცე-პრემიერი, კულტურის, სპორტისა და ახალგაზრდობის მინისტრი თეა წულუკიანი მწვავე განცხადებას აკეთებს პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას“ ლიდერის ხატია დეკანოიძის პოზიციასთან დაკავშირებით საქართველოს როლზე უკრაინაში მიმდინარე ომის ფონზე:
,,ხატია დეკანოიძე წარმოადგენს უკვე ძალიან ბევრი წელია რაღაცა ტიპის გაერთიანებას, ხატიასებრთა ოჯახს თუ დავარქმევთ პირობითად, რომლებისთვისაც უცხო ქვეყნები უფრო მნიშვნელოვანია, ვიდრე საკუთარი სამშობლო.
მე, როგორც ყოფილი იუსტიციის მინისტრი, იმასაც კი ვიხსენებ, რომ ხატია დეკანოიძე გახლდათ საქართველოს ის მოქალაქე, რომელმაც, თავისი ბელადის მსგავსად, საკუთარი სამშობლო და მოქალაქეობა უარყო.
როგორც ჩანს მას დღემდე აღრეული აქვს ვისი შვილია? რომელია მისი სამშობლო? და რომელ ქვეყანას წარმოადგენს?“, – განაცხადა თეა წულუკიანმა.
ინფორმაციისთვის: ხატია დეკანოიძე ტვ ,,პირველის ეთერში“ შეფასებას აკეთებს უკრაინაში მიმდინარე ომის პარალელურად საქართველოს გეოპოლიტიკურ შანსებთან დაკავშირებით:
,,უსაფრთხოების სარტყელი, რომელიც უნდა შემოეკრას უკრაინას – შავი ზღვიდან ბალტიის ზღვამდე, ამ სარტყელში საქართველო არის ამოვარდნილი. ეს არის გეოპოლიტიკური, უდიდესი შანსი ხელიდან გაშვებული და ,,ქართული ოცნების“ მიზანმიმართული შეცდომა,“ – განაცხადა ხატია დეკანოიძემ.
ავტორი
ნინი ხიჯაკაძე
