“როდესაც სტრატეგიული ობიექტები რუსებს მიჰყიდეთ, მაგაზე პრორუსული პოლიტიკა რა უნდა არსებობდეს?” – არჩილ თალაკვაძე “ნაციონალურ მოძრაობას”

საქართველოს პარლამენტის თავმჯდომარის მოადგილემ, არჩილ თალაკვაძემ ოპონენტებს მიმართა პლენარულ სხდომაზე და კონკრეტული ფაქტები შეახსენა:

„ნაციონალური მოძრაობა“ ჩვენ გვადანაშაულებს პრორუსული პოლიტიკის გატარებაში.

მეგობრებო, როდესაც მედია ჯიბეში გყავდათ ჩასმული, როდესაც პარლამენტი გქონდათ ერთპარტიული, როდესაც ადამიანის უფლებებს არღვევდით და მერე ტელევიზიებში სხვა რამეს უყვებოდით ხალხს, საკუთრებას ართმევდით, როდესაც სტრატეგიული ობიექტები რუსებს მიჰყიდეთ, მაგაზე პრორუსული პოლიტიკა რა უნდა არსებობდეს?

ამას თქვენ აკეთებდით და ჩვენზე როგორ გიბრუნდებათ ენა, რომ გვადანაშაულებთ პრორუსული პოლიტიკის გატარებაში“,- განაცხადა პარლამენტის თავმჯდომარის მოადგილემ.

ინფორმაციას პარლამენტის საზოგადოებასთან ურთიერთობისა და ინფორმაციის დეპარტამენტი ავრცელებს