“მარტო განცხადებები საკმარისი არ არის! თუ პრეზიდენტი შინა პატიმრობაშია და არ უშვებენ, ამაზეც უნდა ილაპარაკოს” – პაატა მანჯგალაძე

პრეზიდენტის მიმართვაზე პოლიტიკურ შეფასებას აკეთებს საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე. ოპოზიციონერი ლიდერი სალომე ზურაბიშვილს მოუწოდებს, რომ გამოიყენოს კონსტიტუციით განსაზღვრული უფლება-მოსილება:

,,საქართველო დგას ისტორიულ გზაგასაყარზე, ახლა არის მოქმედებების დრო! პრეზიდენტმა, როგორც სახელმწიფო მეთაურმა, უნდა გამოიყენოს კონსტიტუციით განსაზღვრული უფლება.

მარტო განცხადებები საკმარისი არ არის! თუ პრეზიდენტი შინა პატიმრობაშია და არ უშვებენ, ამაზეც უნდა ილაპარაკოს.

მაშინ თუ არ მოსწონს ის, რასაც ,,ქართული ოცნება“ აკეთებს, დაიწყოს თვითონ მოქმედებები. ჩვენ ვენდობით მხოლოდ მოქმედებებს! საუბარი საკმარისი არ არის!“, – განაცხადა პაატა მანჯგალაძემ.

ინფორმაციისთვის: პრეზიდენტმა სალომე ზურაბიშვილმა თავის მიმართვაში ასევე აღნიშნა, რომ ის ვერ/არ მიდის კონკრეტულ საერთაშორისო შეხვედრებზე/ფორუმებზე, მათ შორის გაეროში

ავტორი
ნინი ხიჯაკაძე