საქართველოს პრეზიდენტმა ხელი მოაწერა გაეროში დავით ბაქრაძის ელჩად დანიშვნას, თუმცა მანამდე ნეგატიური პოზიცია ჰქონდა კანდიდატურასთან დაკავშირებით. სალომეს ზურაბიშვილის პოზიციის ცვლილებაზე კომენტარს აკეთებს ,,სტრატეგია აღმაშენებლის“ თავმჯდომარე გიორგი ვაშაძე:
,,საერთოდ, პოზიციას როცა აირჩევ, უნდა იყო თანმიმდევრული და ბოლომდე უნდა გეჭიროს შენი პოზიცია.
თუ ჩვენი მხრიდან რაიმე მხარდაჭერა, დახმარება, კოორდინაციაა საჭირო – ჩვენ მზად ვართ, რომ გავამხნევოთ და არ შეცვალოს ხოლმე პოზიცია.
ზოგადად, ვფიქრობ, რომ ,,ქართულ ოცნებასთან“ მიმართებაში კომპრომისების ენა არ ჭრის. რაც უფრო მეტს დაუხრი თავს, მით უფრო მეტი სწრაფად გადაგივლიან თავს.
ეს უნდა იცოდეს აბსოლუტურად ყველამ – არა მხოლოდ პრეზიდენტმა, არამედ მათ შორის ბევრმა ოპოზიციურმა პარტიამ“, – განაცხადა გიორგი ვაშაძემ.
ავტორი
ნინი ხიჯაკაძე
