,,ერთიანი ნაციონალური მოძრაობის“ პოლიტიკური საბჭოს წევრმა, პარლამენტის დეპუტატმა ეკა ხერხეულიძემ, საქართველოს მე-3 პრეზიდენტი, კლინიკა ,,ვივამედში“ მოინახულა. ოპოზიციონერ ლიდერს მიაჩნია, რომ რაც მეტი ექსპერტი ჩაერთვება პროცესში, მათ შორის ხელკისუფლების მხრიდან – ალტერნატიული, უკეთესია და ამასთან იგი ხაზგასმით აცხადებს სააკაშვილის ჯანმრთელობის მდგომარეობა მძიმეა:
,,რაც მეტი ალტერნატიული კომისია თუ ექსპერტთა ჯგუფი ჩაერთვება ამ საქმეში, მით მეტი ადამიანი იტყვის მხოლოდ ერთს, რომ მიხეილ სააკაშვილის ჯანმრთელობის მდგომარეობა არის კრიტიკული.
მე ამის არ მეშინია – მდგომარეობის შეფასების. მეშინია იმ ჯანმრთელობის მდგომარეობის, რაც ამ ადამიანს ახლა აქვს.
სწორად იყოს განწყობილი ნებისმიერი ექიმი, რომელიც შევა პაციენტთან და ნახავს – ექნება პასუხი მხოლოდ ერთი – მიხეილ სააკაშვილის ჯანმრთელობის მდგომარეობა გახლავთ კრიტიკული.
ცხადია, ეს არის დროის გაჭიანურების მცდელობა, თუმცა მათ ყოველთვის შეუძლიათ შევიდნენ შუამდგომლობით, რომ ალტერნატიული ექსპერტიზა დანიშნონ. ამიტომ გადასარევი იქნება, თუ ამ დროს, როდესაც კვალიფიციური ექსპერტები იკვლევენ მიხეილ სააკაშვილის ჯანმრთელობის მდგომარეობას, მათი ინტერესი დაემთხვევა ამ პერიოდს და ერთად დადებენ დასკვნას“, – განაცხადა ეკა ხერხეულიძემ.
ავტორი
ნინი ხიჯაკაძე
