“რაიმე საგანგაშო დასკვნებისთვის მიზეზი არ არსებობს” – მიხეილ სარჯველაძე რუსეთის მოქალაქეების ბიზნესზე საქართველოში

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე კომენტარს აკეთებს საქსტატის ოფიციალურ სტატისტიკაზე საქართველოში რუსული ბიზნესის წარმოების საკითხთან დაკავშირებით:

,,რაიმე საგანგაშო, ასე ვთქვათ, დასკვნებისთვის მიზეზს ნამდვილად ვერ ვხედავ ამ გამოქვეყნებულ სტატისტიკაში.

რაც შეეხება საკითხს, ვინმეს ეჭვი შეიძლება გაუჩნდეს თუ არა, ეს მათი საქმეა – თუმცა ოდნავ სიღრმეში ჩასვლა საკმარისია საიმისოდ, რომ ჩვენ მივხვდეთ რეალურად აქ რაიმე საგანგაშო დასკვნებისთვის მიზეზი არ არსებობს.

საერთაშორისო საუკეთესო გამოცდილებად მიიჩნევა, რომ მეწარმეებს არ მოეთხოვებოდეთ რეგისტრაციის დროს საქმიანობის კონკრეტული საგნის მითითება საწესდებო მიზნის სახით“, – განაცხადა მიხეილ სარჯველაძემ.

ავტორი
ნინი ხიჯაკაძე