“იმდენად ავტორიტეტული ექსპერტები ჩამოდიან, ვერავინ იტყვის იმას, რომ შეიძლება მოისყიდო, დაელაპარაკო, ჩააწყო” – შალვა ხაჭაპურიძე

საქართველოს მე-3 პრეზიდენტის საქმესთან დაკავშირებით უცხოეული ექპსპერტები დღეს ჩამოვლენ ქვეყანაში. მიხეილ სააკაშვილის ადვოკატი შალვა ხაჭაპურიძე ჟურნალისტებთან კონკრეტულ განმარტებებს აკეთებს:

,,დღეს ჩამოფრინდება ამერიკის შეერთებული შტატებიდან სასამართლო ფსიქიატრიული ექსპერტი, რომელიც არის ამერიკაში ერთ-ერთი აღიარებული. მას მონაწილეობა აქვს მიღებული ძალიან გახმაურებულ საქმეებში.

რაც შეეხება შვეიცარიიდან ჩამოსულ ექსპერტს – ის იქნება საქართველოში ღამით, გამთენიისას. დილიდანვე უკვე შეხვდება მიხეილ სააკაშვილს ,,ვივამედში“.

ისინი, როდესაც წავლენ, გამოაგზავნიან თავიანთ დასკვნებს. რა დასკვნას გასცემენ ეს ადამიანები ვერავინ ვერ იტყვის იმას, რომ შეიძლება მოისყიდო, დაელაპარაკო, ჩააწყო და ა.შ. იმდენად ავტორიტეტული ექსპერტები ჩამოდიან“, – განცხადა შალვა ხაჭაპურიძემ.

ავტორი
ნინი ხიჯაკაძე