ფარულ საგამოძიებო მოსმენებთან დაკავშირებით ვენეციის კომისიის მიერ გამოქვეყნებულ შეფასებებთან დაკავშირებით კონკრეტულ შეუსაბამობას ხედავს პარლამენტის პირველი ვიცე-სპიკერი გიორგი ვოლსკი:
“ვენეციის კომისიის რეკომენდაცია ცოტა უცნაური ფორმითაა Twitter-ზე გამოქვეყნებული, მას დანართში მითითებული აქვს აბსოლუტურად სხვა, სასამართლოს შესახებ, კანონი, რომელზეც ჯერ კიდევ მიმდინარე წლის ივნისში გვქონდა საუბარი და რაზედაც პრინციპული შენიშვნები არ ჰქონია.
ეს რეკომენდაცია გადასახედია თავად ვენეციის კომისიის მიერ.
არ არის სამართლებრივი არგუმენტაცია, იქ წერია რომ არის ნაჩქარევად განხილული, მაშინ როდესაც მარტის თვიდან ამ თემაზე მიდის კონსულტაციები სახელმწიფო უწყებების, არასამთავრობოების, ექსპერტების მონაწილეობით და არცერთი შენიშვნა არც მაშინ და არც ახლა ჩვენ არ გვსმენია.
არანაირი შენიშვნა, მათ შორის, არც პრეზიდენტის ვეტოს დასაბუთებაში, სამართლებრივი საკითხის მხრივ, არ ფიგურირებს“, – აცხადებს გიორგი ვოლსკი.
