ფრაქცია “ერთიანი ნაციონალური მოძრაობა – ძალა ერთობაშიას” თავმჯდომარე, ხატია დეკანოიძე სპეციალურ ბრიფინგზე განცხადებას აკეთებს საარჩევნო კოდექსზე თუ სასამართლოს რეფორმასთან დაკავშირებით “ქართული ოცნების” დამოკიდებულებაზე. ოპოზიციონერი ლიდერს მიაჩნია, რომ მმართველი პარტიის მხრიდან გრძელდება კანდიდატის სტატუსის მისაღებად აუცილებელი რეკომენდაციების უგულებელყოფა:
“საქართველოში საარჩევნო სისტემის ცვლილება და სასამართლოს საფუძვლიანი რეფორმა, სასამართლოს დამოუკიდებლობისა და არჩევნების მიმართ საზოგადოების ნდობის დაბრუნება, რაც ფართო საარჩევნო რეფორმის და სასამართლო სისტემაში ფართო ცვლილებებით უნდა მოხდეს, არის ევროკავშირის მიერ გაწერილი უმნიშვნელოვანესი რეკომენდაციები, რომელიც უნდა შესრულდეს, რათა ქვეყანამ კანდიდატის სტატუსის მისაღებად ვალდებულებები შეასრულოს.
სამწუხაროდ, “ქართული ოცნების” მიერ კანდიდატის სტატუსის მისაღებად აუცილებელი რეკომენდაციების უგულებელყოფა გრძელდება. ამას ადასტურებს საპარლამენტო უმრავლესობის მიერ მიღებული გადაწყვეტილება, ყველა პროცესს ჩამოაცილონ საქართველოში საარჩევნო გარემოსა და საარჩევნო კანონმდებლობაზე მომუშავე ყველაზე გავლენიანი ორგანიზაცია – სამართლიანი არჩევნები, ისფედი. ასევე სასამართლო სისტემაზე მომუშავე მნიშვნელოვანი ექსპერტთა ჯგუფი, მხედველობაში მყავს ნაზი ჯანეზაშვილის ორგანიზაცია, რომელიც წლების განმავლობაში სასამართლოსა და იუსტიციის უმაღლესი საბჭოს რეფორმაზე მუშაობდა.
“ქართული ოცნების” ანტიდასავლური კამპანია, ანტი-ამერიკული და ანტი-ევროპული გზავნილები, მიზანმიმართული თავდასხები აშშ-სა, ევროკავშირის ელჩებზე, გავლენიან სამოქალაქო ინსტიტუტებსა და არასამთავრობო ორგანიზაციებზე, არის დასტური იმის, რომ მათ მიერ ჩაგდებული კანდიდატის სტატუსის მიღების პროცესი გრძელდება. პროცესი უნდა ყოფილიყო ინკლუზიური და სამოქალაქო საზოგადოების მონაწილეობით და არა მხოლოდ “ქართული ოცნების” მიერ რეკომენდაციების საფუძველზე შერჩეული ორგანიზაციებით.
საქართველოში ოლიგარქიული სისტემის ჩამოცილება მმართველობიდან, კლეპტოკრატების მმართველობიდან გათავისუფლებას სჭირდება ფართო საარჩევნო რეფორმა, რომელიც სწორედ დემოკრატიის განმტკიცებისთვის სასიცოცხლო რეკომენდაციაა კანდიდატობისთვის. სასამართლო რეფორმა კი არის დემოკრატიისა და კანონის უზენაესობის უმნიშვნელოვანესი პრონციპი დემოკრატიისთვის. “ქართული ოცნების” ინტერესი არ არის არცერთი რეკომენდაციის შესრულება.
ჩვენი პარტია და ფრაქცია აგრძელებს მუშაობას, როგორც სამართლიან არჩევნებთან, ასევე არასამთავრობო სექტორთან ფართო, დემოკრატიული არჩევნებისთვის აუცილებელ საარჩევნო კოდექსისა და რეკომენდაციების აუცილებელი პაკეტის შესასრულებლად“, – განაცხადა ხატია დეკანოიძემ.
ინფორმაციას პარტია “ერთიანი ნაციონალური მოძრაობა” ავრცელებს
