საქართველოს პარლამენტის წევრი, ,,ქართული ოცნების“ ყოფილი დეპუტატი გურამ მაჭარაშვილი მორიგ მწვავე პოზიციას აფიქსირებს ამერიკის შეერთებული შტატების ელჩის, კელი დეგნანის წინააღმდეგ:
,,დიპლომატი, როგორც მინიმუმ, ხალხის მიერ არჩეულ დეპუტატს შეურაცხყოფას არ უნდა აყენებდეს, არ უნდა საუბრობდეს რადიკალების ენით, 20 ივნისის მოვლენებს რადიკალების მსგავსად ,,გავრილოვის ღამედ“ არ უნდა მოიხსენიებდეს და ფაქტებს არ უნდა ამახინჯებდეს.
თუკი მის ქვეყანაში, შეერთებულ შტატებში, კონგრესზე შეტევა არის არასწორი, ნამდვილად ასეა და დასჯადია – დიახ, ასე უნდა იყოს, მაშინ საქართველოს პარლამენტზე შტურმი, რაც საზოგადოებამ საჯაროდ იხილა, რატომ არ უნდა იყოს დასჯადი?!
რატომ უნდა ითხოვდეს საელჩო იმ ადამიანის გამოშვებას ციხიდან, რომელიც კოორდინაციას უწევდა პარლამენტზე შტურმს?!“, – განაცხადა გურამ მაჭარაშვილმა.
ავტორი
ნინი ხიჯაკაძე
