საარჩევნო კოდექსის გასაუმჯობესებლად პარლამენტში შესაბამისი კომისია მუშაობას იწყებს და მიმდინარეობს სამუშაო ჯგუფის ფორმირება. აღნიშნულ კომისიაში მონაწილეობის მისაღებად განაცხადი გააკეთა ორმა არასამთავრობო ორგანიზაციამ, თუმცაღა ,,ქართულმა ოცნებამ“ ორგანიზაცია ,,სამართლიან არჩევნებს“ კომისიაში მუშაობაზე უარი უთხრა. აღნიშნულ საკითხთან დაკავშირებით და მიზეზებზე ისაუბრა ფრაქცია ,,ქართული ოცნების“ თავმჯდომარის პირველმა მოადგილემ გივი მიქანაძემ:
,,ჩვენ მივიღეთ გადაწყვეტილება იმის თაობაზე, რომ ,,სამართლიანი არჩევნები“ არ მოვიწვიეთ ამ სხდომაზე, მხოლოდ ,,ახალგაზრდა იურისტთა ასოციაცია“.
ამას აქვს თავისი საფუძველი. საფუძველი კი მდგომარეობს იმაში, რომ ის არასამთავრობო ორგანიზაციები, რომლებიც არიან ჩართულნი ამ პროცესში, შეიძლება ჩაერთონ მხოლოდ იმ შემთხვევაში, თუკი ისინი ინარჩუნებენ ნეიტრალიტეტს.
,,სამართლიანმა არჩევნებმა“ ეს ნეიტრალიტეტი დაკარგა, როდესაც პრემიერ-მინისტრის გადაყენების თაობაზე მოთხოვნას შეუერთდა“, – განაცხადა გივი მიქანაძემ.
ავტორი
ნინი ხიჯაკაძე
