პარტიამ ,,საქართველოსთვის’’ ევროკავშირის 12 პუნქტის რეალურ შესრულებასთან დაკავშირებით, დღეს წარადგინა პარტიის ხედვა კორუფციის წინააღმდეგ ბრძოლასა და მართლმსაჯულების სისტემის დამოუკიდებლობაზე, რომელიც პარტიის ოფიციალურ ფეისბუკ გვერდზე გამოქვეყნდა:
“ოცნების მხრიდან არჩევნების შედეგების გადაწერის, ქვეყნის მაფიოზურად მართვის და ევროინტეგრაციის პროცესის საბოტაჟის მიუხედავად, ჩვენთვის განმსაზღვრელი ის პოლიტიკური პასუხისმგებლობაა, რაც ხალხმა დაგვაკისრა – შესაბამისად, ვაგრძელებთ პარლამენტში შექმნილ სამუშაო ჯგუფებში აქტიურ მონაწილეობას და პარტიის დეტალური ხედვის წარდგენას ევროკავშირის 12 პუნქტის რეალურ შესრულებაზე.
დღეს წარმოვადგენთ ხედვას კორუფციის წინააღმდეგ ბრძოლასა და მართლმსაჯულების სისტემის დამოუკიდებლობაზე, რაც პარტიის ფეისბუკ გვერდზეა ხელმისაწვდომი“, – აცხადებს ნათია მეზვრიშვილი.
ინფორმაციას პარტია “საქართველოსთვის” ავრცელებს