აფხაზეთში ომის დაწყებიდან 30 წელი გავიდა. გმირთა მემორიალთან პოლიტიკოსებმა პატივი მიაგეს ტერიტორიული მთლიანობისთვის გმირულად დაღუპულ მებრძოლთა ხსოვნას. ,,სტრატეგია აღმაშნებლის“ პოლიტიკური საბჭოს წევრი სერგო ჩიხლაძე შეფასებებს აძლევს რუსეთის აგრესიულ პოლიტიკას ჩვენს ქვეყანასთან მიმართებაში და აცხადებს, რომ საქართველო კვლავ იქნება მთლიანი და თავისუფალი სახელმწიფო:
,,30 წელი გავიდა აფხაზეთის ომის დაწყებიდან. 30 წელი გავიდა, რაც რუსეთმა ღიად, აშკარად დაიწყო სამხედრო აგრესია საქართველოს წინააღმდეგ და მთელი ეს პერიოდი ვიბრძვით ჩვენი ქვეყნის დასაცავად.
30 წელია ჩვენი ტერიტორიები ოკუპირებულია რუსეთის მიერ და დღესაც ამ ბრძოლაში ვართ.
ჩვენ, ყველანი ერთად გავათავისუფლებთ და გავამთლიანებთ საქართველოს. ჩვენი ქვეყანა კვლავ იქნება მთლიანი, მშვიდობიანი და რუსეთისგან დამოუკიდებელი. ამის მჯერა.
ის ბიჭები, რომელთა გვარებიც აქ არის ამოტვიფრული, ყველანი არიან გმირები და სანამ ასეთი გმირები გვეყოლება ჩვენ საქართველოს დამოუკიდებლობა და სახელმწიფო ყოველთვის გვექნება“, – განაცხადა სერგო ჩიხლაძემ.
ავტორი
ნინი ხიჯაკაძე
