“ჩვენ ავამუშავებთ ამ 12 პუნქტს, ახალ წლამდე მზად იქნება” – ბექა დავითულიანი ევროკომისიის რეკომენდაციებზე

საპარლამენტო უმრავლესობის წევრი ბექა დავითულიანი ჟურნალისტებთან გაკეთებულ კომენტარში საუბრობს ევროკავშირის მიერ გამოქვეყნებულ ანგარიშზე. დავითულიანის განცხადებით, თუ კვლავ რაიმე ხარვეზი იქნება ევროკომისიის 12-პუნქტიან რეკომენდაციის შესრულების შემდეგ, დაკონკრეტების შემდეგ კვლავ იმუშავებენ შენიშვნებზე:

,,ევროკავშირის ზოგადი შეფასება არის ის, რომ აღმოსავლეთ პარტნიორობის ნაწილში საქართველო რეფორმების თვალსაზრისით იყო მოწინავე ქვეყანა. ჯერ-ჯერობით ამად რჩება, მიუხედავად იმისა, რომ მათ აქვთ კრიტიკული მოსაზრებები მთელი რიგი მიმართულებებით.

ჩვენ ავამუშავებთ ამ 12 პუნქტს. ახალ წლამდე ეს 12 პუნქტი იქნება მზად. თუ რაიმე კონკრეტული შენიშვნა კიდევ ექნება ევროკავშირს ამ 12 პუნქტის მერე, ალბათ, ისინიც დააკონკრეტებენ და ჩვენ ვიმუშავებთ ამ შენიშვნების გათვალისწინებაზე.

რაღაცა რელევანტურია, რაღაცა არა, რაღაცა უბრალოდ კონტექსტის გაუთვალისწინებლად ნათქვამია. ნახეთ, მათთვის ბუნებრივია მთელი რიგი საკითხები, რომ ასე უნდა იყოს. ამ ქვეყანაში აღმოჩნდება ხოლმე, რომ კონტექსტი ისეთია, რომ ესე ბუნებრივად როგორც მათთან ხდება ვერ ხდება“, – განაცხადა ბექა დავითულიანმა.

ავტორი
ნინი ხიჯაკაძე